Түркістан облысы, Шардара аудандық білім бөліміне қарасты №12 жалпы
білім беретін мектебінің 2023-2024 оқу жылының тәрбие жоспарына сәйкес
оқушылар арасында «Күз аруы-2023» байқауы өткізілді. Байқаудың басты
мақсаты — арулардың бойындағы мәдениеттілікті, рухани адамгершілікті,
өнерге, білімге деген шығармашылық ізденістерін дамыту, жастар
арасында ана тіліміздің дамуы мен жандануына үлес қосу, талантты
жастарға қолдау көрсету, арулардың қазақ қызына тән инабаттылық,
нәзіктік қасиеттерін, қолөнерге бейімділігін арттыру болып табылады.
Байқау барысында қыздарымыз мың бұрала би билеп, тамылжыта ән
шырқап, өз өнерлерін паш етті. Ал сән үлгісін көрсету барысында
жапырақтан, гүлдерден жасалған өзіндік киім үлгілері ерекше болды.
Байқау 5 кезеңнен тұрды.
1 ші кезең Таныстыру кезеңінде қатысушылар өздерін таныстырды.
2 ші кезең сұрақ-жауапта әділқазыларымыз қатысушыларға салт дәстүрге
байланысты сұрақтар қойды.
3 ші кезеңде қатысушы аруларымыз өз өнерлерін ортаға салды.
4 ші кезең сән үлгісі кезеңінде қатысушылар қолдан жасалған әсем
көйлектерін таныстырып, сән көрсетті
5 ші кезең ас мәзірі кезеңінде қатысушылар өздері дайындап келген
тағамдарын таныстырады
Байқауға 8-9-10 сыныптар аралығында 7 ару қызымыз қатысты, қатысқан
барлық ару қыздарымызға марапат пен сыйлықтар табысталды. «Бас
жүлдені» 8 сынып оқушысы Жасұзақ Нұрай қызымыз жеңіп алды.
