Түркістан облысы Шардара аудандық адами әлеуетті дамыту бөліміне қарасты 12 жалпы орта мектебінде 08.01.2023 ж оқушылардың жол, өмір қауіпсіздігі және құқық бұзушылықтың алдын алу мақсатында «Бала тәрбиесіне байыпты қарайық» атты тақырыпта жалпы мектепішілік ата-аналар жиналысы болып өтті.
Мақсаты: ата-аналардың балаларға жауапкершілікпен қарауға шақыру, құқық бұзушылықтың алдын алу шаралары жайлы түсіндірме жұмыстарын жүргізу.
Жиналысқа мектеп директоры Д.Тулепов, Аудандық ішкі саясат бөлімінің теологы А.Данияров, учаскелік инспектор Қ.Тлеуов және мектеп медбикесі Н.Кузербаевалар қатысты. Директордың тәрбие ісі жөніндегі орынбасары Н.Усенова «Ата-аналардың бала тәрбиесіндегі жауапкершілігі» тақырыбында баяндама оқыды. Мектеп психологы Б.Өрісбаева «Балалар мен жасөспірімдер арасындағы суицидтің алдын алу шаралары» тақырыбында баяндама оқыды.