Мамандық таңдау

Түркістан облысы Шардара қаласы аудандық білім бөліміне қарасты №12 жалпы білім беретін мектебінің 11 сынып оқушыларынан 10.09.2024 ж күні "Бүгінгі мектеп түлегі - ертеңгі елдің тірегі" сауалнамасы алынды. Мақсаты: Оқушылардың мамандық таңдауы туралы ойларын кеңейту, нығайту. Мамандықты дұрыс таңдауына ықпал ететіндей, мамандықтар түрлеріне мүдделерін арттыру. Адам тағдырының бір бөлігі таңдаған мамандығымен ұштасып жатады. Адам асқақ арманға,биік мақсатқа ұмтылады. Мамандық таңдау - әркімнің өз жүрек қалауы. Жүрек қалауымен таңдалған мамандық биік шыңдарға жетелері анық. Ұлы Абай: "Жұмысы жоқтық,тамағы тоқтық аздырар адам баласын", - деп бекер айтпаса керек. Мамандықтың жаманы жоқ, тек оны сүйе білу керек, ынта қойып,қызыға меңгеру керек екендігі айтылды.